მონაკოში აფეთქება სავარაუდო ტერაქტად ფასდება - სამი დაშავებული, ეჭვმიტანილს ამ დრომდე ეძებენ

მონაკოში საცხოვრებელ კორპუსთან მომხდარი აფეთქების შედეგად სამი ადამიანი დაშავდა. ქვეყნის ხელისუფლება მომხდარს განზრახ ორგანიზებულ თავდასხმად განიხილავს, ხოლო ფრანგული მედიის ცნობით, შემთხვევა სავარაუდო ტერაქტად ფასდება. (Reuters)

აფეთქება 29 ივნისის საღამოს მოხდა. გამოძიების ინფორმაციით, უცნობმა პირმა საცხოვრებელი კორპუსის შესასვლელში ასაფეთქებელი მოწყობილობა დატოვა, რომელიც მალევე ამოქმედდა. მოწყობილობა, სავარაუდოდ, ლითონის ჭანჭიკებითა და საფანტით იყო შევსებული, რაც მის მაღალი დამაზიანებელი ეფექტის შესახებ მიუთითებს. (The Guardian)

დაშავებულია ერთი ოჯახის სამი წევრი. ორი მათგანი მძიმე მდგომარეობაში რჩება, ხოლო მესამე შედარებით მსუბუქად დაშავდა. მედიის ინფორმაციით, დაზარალებულები უკრაინული წარმოშობის ოჯახი არიან. (The Guardian)

სამართალდამცველების ცნობით, ეჭვმიტანილი აფეთქების შემდეგ საფრანგეთის მიმართულებით გაიქცა. მისი დაკავების მიზნით მონაკოსა და საფრანგეთის პოლიცია ერთობლივ ოპერაციას ატარებს. თავდასხმის მოტივი ჯერჯერობით უცნობია და გამოძიება გრძელდება. (Reuters)