საფრანგეთში სასკოლო სტიპენდია 2025-2026 სასწავლო წლისთვის

მოამზადა თემო მაჩიტიძემ

საფრანგეთში მცხოვრები ქართული ოჯახებისთვის სასკოლო განათლების დაფინანსება 2025-2026 სასწავლო წელს კიდევ უფრო ხელმისაწვდომი ხდება. თუ თქვენი შვილი სწავლობს კოლეჯში (Collège), შეიძლება გქონდეთ უფლება სახელმწიფო სტიპენდიაზე (Bourse de collège), რომელიც ემიგრანტი ოჯახებისთვის მნიშვნელოვანი სოციალური მხარდაჭერაა.

ვინ შეუძლია მიიღოს დახმარება

სტიპენდია გაიცემა ოჯახებისთვის, რომელთა წლიური შემოსავალი არ აღემატება სახელმწიფოს მიერ განსაზღვრულ ზღვარს. ზღვარი იცვლება ოჯახის შემადგენლობაზე — რამდენი ბავშვია თქვენს მფარველობაში.

მაგალითად:

• ერთი შვილი – მაქსიმუმ 18,130 € (I საფეხური), 9,800 € (II საფეხური) ან 3,458 € (III საფეხური);

• ორი შვილი – ზღვარი იზრდება 22,313 €-მდე და ა.შ.

სტიპენდიის ოდენობა

2025-2026 სასწავლო წლისთვის თანხები ასეთია:

• 120 € – I საფეხური

• 330 € – II საფეხური

• 516 € – III საფეხური

თანხა გადაიხდება სამ ეტაპად: დეკემბერში, მარტში და ივნისში.

განსაკუთრებული პრემია ინტერნატის მოსწავლეებისთვის

თუ თქვენი შვილი სწავლობს ინტერნატში, დაემატება დამატებითი პრემია:

• 327 € (I საფეხური)

• 396 € (II საფეხური)

• 465 € (III საფეხური)

ეს თანხა ასევე გაიცემა სამ ეტაპად, სტიპენდიასთან ერთად.

როგორ უნდა გააკეთოთ განაცხადი

საჯარო კოლეჯის შემთხვევაში

• ახალი რეგისტრაციის ან ხელახალი რეგისტრაციის დროს შეგიძლიათ ავტომატურად მისცეთ თანხმობა თქვენი უფლებების შესწავლისთვის.

• თუ თანხმობას არ გასცემთ, შეგიძლიათ განაცხადი შეავსოთ:

  
  

  • ონლაინ, Scolarité-Services პლატფორმაზე FranceConnect-ის ან EduConnect-ის მეშვეობით;

  • ან ქაღალდის ფორმით, რომელიც კოლეჯის ადმინისტრაციაში უნდა გადაიგზავნოს.

  
  

კერძო კოლეჯის შემთხვევაში

• განაცხადი მხოლოდ ფორმულარის შევსებით ხდება, რომელიც უნდა მიიტანოთ თქვენი შვილის კოლეჯში.

CNED-ის (დისტანციური სწავლება) შემთხვევაში

• განაცხადი იგზავნება Rouen ან Toulouse-ის აკადემიის ბიუროებში, რეგისტრაციის ტიპის მიხედვით.

ვადები

• განაცხადების მიღება იწყება სასკოლო წლის პირველ დღეს და მთავრდება 2025 წლის 16 ოქტომბერს.

• CNED-ის სტუდენტებისთვის ბოლო ვადა არის 2025 წლის 31 ოქტომბერი.

დამატებითი ინფორმაცია და დახმარება

თუ გჭირდებათ დახმარება, დაუკავშირდით ეროვნული დახმარების ცენტრს:

• ტელეფონით: 0 809 54 06 06 (საუბრის ღირებულება — ადგილობრივი ზარი), ორშაბათიდან პარასკევის ჩათვლით, 8:00-20:00.

• ან ონლაინ: assistanceteleservice.education.gouv.fr.

SGN-ის რეკომენდაცია:

ჩვენ მოვუწოდებთ ყველა ქართულ ოჯახს, რომ დროულად შეავსონ განაცხადები. განათლების ხელმისაწვდომობა ჩვენი შვილებისთვის ინტეგრაციისა და წარმატების საფუძველია.