Aide Médicale de l’État (AME): უფასო სამედიცინო დახმარება არარეგულარული მიგრანტებისთვის საფრანგეთში

რა არის AME

Aide Médicale de l’État (AME) — ეს არის სახელმწიფო პროგრამა, რომელიც არარეგულარული სტატუსით მყოფ მიგრანტებს საფრანგეთში აძლევს უფასო წვდომას ჯანდაცვის მომსახურებაზე.

AME ფარავს:

• ექიმთან ვიზიტებს;

• ანალიზებსა და სამედიცინო კვლევებს;

• აუცილებელ მედიკამენტებს;

• ჰოსპიტალიზაციასა და ქირურგიულ ოპერაციებს;

• გადაუდებელ სამედიცინო დახმარებას.

1. ვის შეუძლია AME-ის მიღება

AME-ის მიღების უფლება აქვს ნებისმიერ ადამიანს, ვინც:

• ცხოვრობს საფრანგეთში არარეგულარული სტატუსით;

• ცხოვრობს საფრანგეთში მინიმუმ 3 თვე;

• აქვს დაბალი შემოსავალი (მაგალითად, მარტოხელა პირისთვის — თვეში 810 €-ზე ნაკლები).

2. განაცხადის შევსება — Cerfa ფორმა N° 11573*06

ფორმა შეგიძლიათ ჩამოტვირთოთ ოფიციალური ბმულიდან:

🔗 Télécharger le formulaire ici

როგორ შეავსოთ:

• გვერდი 1 – პირადი ინფორმაცია: სახელი, გვარი, დაბადების თარიღი, ეროვნება, მისამართი საფრანგეთში, საკონტაქტო ნომერი.

• გვერდი 2 – შემოსავალი და ყოფნის ვადა: მიუთითეთ გაქვთ თუ არა შემოსავალი და რამდენია; მიუთითეთ, რომ საფრანგეთში ცხოვრობთ მინიმუმ 3 თვე.

• გვერდი 3 – ოჯახის წევრები: თუ ვინმე ცხოვრობს თქვენთან ერთად, ჩაწერეთ მათი მონაცემები; თუ მარტო ცხოვრობთ, დაწერეთ „Aucun“.

• გვერდი 4 – ხელმოწერა და თარიღი.

3. საჭირო დოკუმენტები

განაცხადს დაურთეთ:

1. პასპორტი ან პირადობის მოწმობა;

2. 3-თვიანი ყოფნის დამადასტურებელი საბუთები (მაგ.: ელექტროენერგიის ქვითარი, მასპინძლის წერილი);

3. შემოსავლის არქონის მტკიცება (მაგ.: ხელმოწერილი წერილი „Je n’ai aucune ressource“);

4. საცხოვრებლის დადასტურება — ქვითრები ან attestation d’hébergement მასპინძლის ან მეზობლის მიერ.

4. სად უნდა წარადგინოთ

• მიიტანეთ თქვენი დოკუმენტები უახლოეს CPAM (Assurance Maladie) ოფისში.

• ზოგჯერ შესაძლოა, მოგთხოვონ განაცხადის გაგზავნა ფოსტით.

5. მოქმედების ვადა და განახლება

• AME მოქმედებს 1 წლის განმავლობაში.

• ვადის გასვლის შემდეგ საჭიროა მისი განახლება (renouvellement) იგივე პროცედურით.

რჩევები SGN-ისგან

• მოამზადეთ ყველა დოკუმენტი ფრანგულ ენაზე ან სერტიფიცირებული თარგმანით.

• ფორმა შეავსეთ მკაფიოდ და წაკითხვადად, რათა თავიდან აიცილოთ დაგვიანებები.

• საჭიროების შემთხვევაში მიმართეთ სოციალურ ასისტენტს ან ადგილობრივ NGO-ს, როგორიცაა La Cimade ან Médecins du Monde.

წყაროები:

• Service-Public.fr — AME

• Ameli.fr — Aide Médicale de l’État

მოამზადა თეიმურაზ თემო მაჩიტიძე