დავალიანება, დოკუმენტები, სტატუსი… შეიძლება თუ არა ბავშვის გამორიცხვა სასადილოდან

ბოლო პერიოდში ბევრი ქართველი მშობელი გვიკავშირდება ერთი და იგივე პრობლემით: სკოლაში ბავშვს უარს ეუბნებიან სასკოლო კვებაზე (cantine scolaire). ზოგჯერ მიზეზად ასახელებენ ოჯახური დოკუმენტების არქონას, ქალაქში რეგისტრაციის არარსებობას ან დავალიანებას.

მნიშვნელოვანია იცოდეთ: კანონი მკაფიოდაა ჩამოყალიბებული — სასკოლო კვება არის საზოგადოებრივი სერვისი და ბავშვი არ შეიძლება დარჩეს მის გარეშე დისკრიმინაციული მიზეზებით.

რას ამბობს კანონი

Code de l’éducation, მუხლი L.131-13:

• როდესაც სკოლაში არსებობს სასადილო, ბავშვებს აქვთ თანაბარი წვდომის უფლება.

• დისკრიმინაცია ოჯახის სოციალური, სამართლებრივი სტატუსის ან დოკუმენტების არქონის საფუძველზე დაუშვებელია.

ეს ნიშნავს, რომ:

• თუ თქვენ არ ხართ ქალაქში რეგისტრირებული, მაინც შეგიძლიათ მოითხოვოთ თქვენი ბავშვის ჩარიცხვა სასკოლო კვებაზე.

• თუ ოჯახი არალეგალური სტატუსით ცხოვრობს, ბავშვი მაინც სრულუფლებიანია.

სასამართლო პრაქტიკა

• Conseil d’État, 2012 – 2019 სასკოლო კვება არის საზოგადოებრივი სერვისი და მის გამოყენებაზე უარის თქმა მხოლოდ „არალეგალური სტატუსის“ , თანხის არარსებობის გამო დაუშვებელია.

• Défenseur des droits, 2021 და 2025 – ბავშვების სასადილოდან „საერთო“ უარის თქმას სასამართლომ უწოდა დისკრიმინაცია და დაავალა მერიის გადახედვა.

დავალიანება და კვებაზე წვდომა

მშობლებს ხშირად აწუხებთ კითხვა: „თუ დავალიანება დამიგროვდა, შეიძლება ბავშვი აღარ შეუშვან სასადილოში?“

კანონი აქაც მკაფიოა:

• დავალიანების გამო ბავშვს არ შეიძლება შეუზღუდონ წვდომა საკვებზე, რადგან კვება არის ბავშვის ინტერესებზე ორიენტირებული სერვისი.

• დავალიანების გადახდა არის მშობელსა და მერიას შორის საკითხი, მაგრამ ბავშვი არ შეიძლება გახდეს ამ დავალიანების მსხვერპლი.

🚸 რას უნდა აკეთებდეს მშობელი

1. რეგისტრაცია

   
   

   • მიმართეთ მერიას ან ონლაინ პლატფორმას.

   • ჩვეულებრივ საჭიროა: დაბადების მოწმობა, სკოლის დამადასტურებელი ცნობა და შემოსავლის დოკუმენტები (მაგ., CAF-ის attestaton).

   
   

2. უარის შემთხვევაში

   
   

   • პირველ რიგში მოითხოვეთ წერილობითი ახსნა.

   • შეგიძლიათ მიმართოთ Défenseur des droits-ს ან ადმინისტრაციულ სასამართლოს (Tribunal administratif).

   
   

3. მტკიცებულებების შეგროვება

   
   

   • შეინახეთ წერილები, ელფოსტა ან შეტყობინებები, სადაც დაფიქსირებულია უარი.

   • ეს მნიშვნელოვანი იქნება, თუ მოგვიანებით დაგჭირდებათ იურიდიული ჩარევა.

📞 როგორ დაგეხმარებათ SGN

თუ თქვენი შვილს უარს ეუბნებიან სასკოლო კვებაზე:

• დაუყოვნებლივ დაგვიკავშირდით WhatsApp-ზე ნომერზე +33 7 66 97 72 22.

• ჩვენი ასოციაცია დაგეხმარებათ ოფიციალური წერილების მომზადებაში და, საჭიროების შემთხვევაში, დავუკავშირდებით მერიის ან სკოლის ადმინისტრაციას თქვენს სახელზე.

• ჩვენ ასევე შეგვიძლია დავაყენოთ საკითხი Défenseur des droits-თან, თუ საქმე ეხება დისკრიმინაციას.

დასკვნა

• სასკოლო კვებაზე უარი არ შეიძლება ეფუძნებოდეს ბავშვის სტატუსს, ოჯახის დოკუმენტებს ან დავალიანებას.

• კანონი მკაფიოდაა ჩამოყალიბებული: ყველა ბავშვს აქვს თანაბარი წვდომა სასკოლო კვებაზე.

• თუ უარს გეუბნებიან, ეს შეიძლება შეფასდეს როგორც დისკრიმინაცია, და თქვენ გაქვთ უფლება მიმართოთ შესაბამის ორგანოებს.

პრობლემის შემთხვევაში, პირველ რიგში დაგვიკავშირდით SGN ასოციაციას WhatsApp-ზე: +33 7 66 97 72 22.